தமிழக பட்ஜெட் 2022-23 : கல்லூரி கட்டமைப்புக்கு ₹250 கோடி…. அமைச்சர் அதிரடி அறிவிப்பு….!!!

திமுக தலைவர் ஸ்டாலின் முதல்வராக பதவியேற்ற பிறகு தாக்கல் செய்யப்படும் இரண்டாவது பட்ஜெட் இது. கடந்த ஆண்டு ஆகஸ்ட் மாதம் திமுக அரசின் இடைக்கால பட்ஜெட் தாக்கல் செய்யப்பட்டது. தற்போது தலைமைச் செயலகத்தில் 2022-2023 ஆம் ஆண்டுக்கான தமிழக பட்ஜெட் கூட்டத்தொடர் தொடங்கி நடைபெற்று வருகிறது. இந்த நிதியாண்டுக்கான காகிதமில்லா தமிழக பட்ஜெட் சட்டப்பேரவையில் தாக்கல் செய்யப்பட்டது. இரண்டாவது முறையாக பட்ஜெட்டை நிதியமைச்சர் பழனிவேல் தியாகராஜன் பேரவையில் தாக்கல் செய்தார்.

இந்நிலையில் பட்ஜெட் குறித்து பேசத் தொடங்கிய நிதியமைச்சர் பழனிவேல் தியாகராஜன் பல்வேறு அறிவிப்புகளை வெளியிட்டு வருகிறார். அதன்படி தீர்க்கமான நடவடிக்கை அரசின் வருவாய் பற்றாக்குறை 4.16 சதவீதத்திலிருந்து 3.O8 சதவீதமாக குறைவு உள்ளதாக அவர் தெரிவித்துள்ளார். தமிழ்நாடு அரசின் வருவாய் பற்றாக்குறை அச்சுறுத்தலாக இருந்த நிலையில் தற்போது அது மாற்றப்பட்டு உள்ளது. இக்கட்டான சூழலில் ஆட்சிப் பொறுப்பை ஏற்றாலும் தொலைநோக்கு திட்டங்களை வகுத்துள்ளோம் என்று பெருமிதம் தெரிவித்துள்ளார்.

தொடர்ந்து பேசிய அவர், பொது விநியோகத் திட்டத்தின் கீழ் உணவு மானியமாக ரூபாய் 7500 கோடி ஒதுக்கீடு செய்யப்பட்டுள்ளது. ஒலிம்பிக்கில் பதக்கம் வெல்லும் வகையில் பயிற்சி வழங்க தமிழ்நாடு ஒலிம்பிக் தங்கப் பதக்கத்தின் திட்டத்திற்கு ரூபாய் 25 கோடி நிதி ஒதுக்கீடு செய்யப்பட்டுள்ளது. அதை தொடர்ந்து வனப்பகுதியில் வரையாடுகள் பாதுகாப்பு திட்டத்திற்கு முதற்கட்டமாக 10 கோடி ஒதுக்கீடு செய்யப்பட்டுள்ளது. அரசு கல்லூரிகளில் கட்டமைப்புகளை மேம்படுத்துவதற்கு ரூபாய் 250 கோடி ஒதுக்கீடு செய்யப்பட்டுள்ளதாக அமைச்சர் தெரிவித்துள்ளார்.

Leave a Reply

Your email address will not be published. Required fields are marked *