தமிழகத்தில் கடும் நடவடிக்கை… மக்கள் ஒத்துழைக்க வேண்டும்… ராமதாஸ் வேண்டுகோள்…!!!

தமிழகத்தில் கொரோனாவை தடுக்க கடும் நடவடிக்கை எடுக்க வேண்டும் என பாமக நிறுவனர் ராமதாஸ் வலியுறுத்தியுள்ளார்.

தமிழகத்தில் கடந்த ஆண்டு மார்ச் மாதம் கொரோனா அச்சுறுத்தல் காரணமாக ஊரடங்கு அமல்படுத்தப்பட்டது. அப்போது பலத்த கட்டுப்பாடுகள் விதிக்கப்பட்டன. அதன்பிறகு கொரோனா பாதிப்பு சற்று குறைந்த நிலையில், ஊரடங்கு தளர்வு களை அரசு படிப்படியாக அறிவித்து வருகிறது. அதனால் மக்கள் அனைவரும் தங்கள் இயல்பு வாழ்க்கைக்கு திரும்பி வருகிறார்கள். ஆனால் தமிழகத்தில் கடந்த 2 வாரமாக கொரோனா பாதிப்பு புதிய உச்சத்தை தொட்டுள்ளது. அதனால் மக்கள் அனைவரும் அச்சமடைந்துள்ளனர். இதற்கு மத்தியில் ஏப்ரல் 6-ஆம் தேதி சட்டமன்ற தேர்தல் நடந்ததால், ஊரடங்கு குறித்த எந்த அறிவிப்பும் வெளியிடப்படவில்லை.

இந்நிலையில் சட்டமன்றத் தேர்தல் முடிந்ததால் தமிழகத்தில் இரவு நேர ஊரடங்கு குறித்த அறிவிப்பு இன்று வெளியாகும் என பரபரப்பு தகவல் வெளியாகியுள்ளது. இதனையடுத்து கொரோனாவை தடுக்க கடும் நடவடிக்கை எடுக்க வேண்டும் என பாமக நிறுவனர் ராமதாஸ் வலியுறுத்தியுள்ளார். கொரோனா பாதிப்பு முடிவுக்கு வரும் என நினைத்த வேளையில் பாதிப்பு பல மடங்கு அதிகரித்துள்ளது. எனவே கடுமையான நடவடிக்கைகளை தமிழக மக்கள் அனைவரும் ஒத்துழைக்க வேண்டும் என்று வேண்டுகோள் விடுத்துள்ளார்.