தமிழகத்தில் இன்று முதல் மீண்டும் பள்ளி வகுப்புகள்… அதிரடி அறிவிப்பு….!!!

தமிழகத்தில் பிளஸ் 2 மாணவர்களுக்கு இன்று  முதல் மீண்டும் பள்ளி வகுப்புகள் தொடங்கப்பட உள்ளன.

தமிழகத்தில் கொரோனா அச்சுறுத்தல் காரணமாக கடந்த ஆண்டு மார்ச் மாதம் ஊரடங்கு அமல்படுத்தப்பட்டது. அப்போதைய மாநிலம் முழுவதும் உள்ள பள்ளி மற்றும் கல்லூரிகள் அனைத்தும் மூடப்பட்டன. அதனால் மாணவர்கள் அனைவருக்கும் ஆன்லைன் மூலமாக வகுப்புகள் நடத்தப்பட்டு வந்தது. அதன்பிறகு கொரோனா பாதிப்பு சற்று குறைந்த நிலையில், 9 முதல் 12 ஆம் வகுப்பு மாணவர்களுக்கு பள்ளிகள் திறக்கப்பட்டு வகுப்புகள் நடத்தப்பட்டு வந்தன. ஆனால் பள்ளிகள் திறந்த சில நாட்களிலேயே பள்ளி மாணவர்களுக்கு கொரோனா பாதிப்பு உறுதி செய்யப்பட்டது.

அதுமட்டுமன்றி தமிழகத்தில் கடந்த 2 வாரமாக கொரோனா பாதிப்பு புதிய உச்சத்தை தொட்டுள்ளது. அதனால் மாணவர்களின் நலன் கருதி 9 முதல் 11 ஆம் வகுப்பு மாணவர்களுக்கு தேர்வு இல்லாமல் ஆல் பாஸ் செய்யப்படுவார்கள் என்று அறிவிக்கப்பட்டு விடுமுறை விடுக்கப்பட்டுள்ளது. அதனைப் போலவே மாநிலம் முழுவதும் உள்ள கல்லூரிகளுக்கும் அரசு விடுமுறை அளித்துள்ளது. இந்நிலையில் 12ஆம் வகுப்பு மாணவர்களுக்குபொதுத் தேர்தல் நெருங்கிகொண்டு இருப்பதால் அவர்களுக்கு மட்டும் பள்ளிகள் திறக்கப்பட்டு வகுப்புகள் நடந்து கொண்டிருக்கின்றன. ஆனால் அவர்களுக்கும் விடுமுறை அளிக்க வேண்டும் என ஆசிரியர் சங்கம் கோரிக்கை விடுத்தது.

தமிழகத்தில் மே 3ஆம் தேதி பிளஸ் 2 பொதுத்தேர்வு நடைபெற உள்ளதால் பிளஸ் 2 மாணவர்களுக்கு மட்டும் வகுப்புகள் நடந்து வருகிறது. இந்நிலையில் தமிழகத்தில் பிளஸ் 2 மாணவர்களுக்கு இன்று  முதல் மீண்டும் பள்ளி வகுப்புகள் தொடங்க உள்ளன. சட்டப்பேரவை தேர்தல் மற்றும் புனித வெள்ளி காரணமாக ஏப்ரல் 3ஆம் தேதி முதல் விடுமுறை அறிவிக்கப் பட்டிருந்த நிலையில் இன்று  மீண்டும் வகுப்புகள் தொடங்குகிறது. மேலும் பிளஸ் டூ மாணவர்களுக்கு செய்முறைத் தேர்வு அடுத்த வாரம் முதல் தொடங்குகிறது.

Leave a Reply

Your email address will not be published. Required fields are marked *