குடிநீர் குழாய் பதிக்க எதிர்ப்பு….. அதிகாரிகளுடன் வாக்குவாதம் செய்த குடியிருப்பு வாசிகள்…. பரபரப்பு சம்பவம்….!!!

கோயம்புத்தூர் மாநகராட்சி உதவி நகரமைப்பு அதிகாரி விமலா தலைமையில் அதிகாரிகள் கணபதி மணியக்காரம்பாளையம் பகுதியில் சீனிவாசா நகர் செல்லும் சாலையில் நேற்று காலை 10 மணிக்கு குடிநீர் குழாய் பதிப்பதற்காக சென்றுள்ளனர். அங்கிருக்கும் புதிய குடியிருப்பு வழியாக குடிநீர் குழாய்களை கொண்டு செல்ல முயன்ற போது குடியிருப்பு வாசிகள் எதிர்ப்பு தெரிவித்தனர். மேலும் அவர்கள் குடியிருப்புக்கு செல்லும் இரும்பு கதவை அடைத்ததால் அங்கு பரபரப்பு ஏற்பட்டது.

இதுகுறித்து அறிந்த போலீசார் சம்பவ இடத்திற்கு சென்று அவர்களுடன் பேச்சுவார்த்தை நடத்தினர். அதற்கும் அவர்கள் உடன்படவில்லை. இதனால் போலீசார் பொக்லைன் இயந்திரம் மூலம் குடியிருப்பின் இருபுறமும் இருக்கும் இரும்பு கதவை அகற்ற போது பொதுமக்கள் கடும் எதிர்ப்பு தெரிவித்தனர். ஆனாலும் அதிகாரிகள் இரும்பு கதவுகளை அகற்றி குடிநீர் குழாய் பதிக்கும் பணி சில நாட்களில் தொடங்கும் என கூறிவிட்டு அங்கிருந்து சென்றனர்.