கோவை சூலூர் சாலை சந்திப்பு பகுதியில், பள்ளி மாணவியொருவர் உயிர்தப்பிய காணொளி சமூக வலைதளங்களில் பரவி வருகிறது. சாலையை கடந்துகொண்டிருந்த காவலரை பின்தொடர்ந்து மாணவியும் சாலையை கடக்க முற்பட்டார். அப்போதே எதிரே வந்த லாரி, மாணவியை மோதவிருக்கும் நேரத்தில், அதிர்ச்சியடைந்த ஓட்டுநர் விரைவாக பிரேக் அடித்தார்.

அதற்குள் காவல் அதிகாரி அவசரமாக மாணவியின் கையைப் பிடித்து இழுத்து அருகே உள்ள பாதுகாப்பான இடத்துக்கு கொண்டுசென்றார். இந்த திடீர் சம்பவத்தில் மாணவி காயம் ஏதும் இன்றி உயிர்தப்பியதோடு, காவலர் மிகுந்த பொறுப்புடன் செயல்பட்டது பெருமக்களின் பாராட்டைப் பெற்றுள்ளது. மாணவிக்கு துணையாக நின்ற அதிகாரி அவருக்கு அறிவுரை வழங்கி அப்பகுதியிலிருந்து அனுப்பிவைத்தார்.