கட்டிலில் மறைத்து வைக்கப்பட்ட நகை…. பெண்ணுக்கு காத்திருந்த அதிர்ச்சி…. போலீஸ் விசாரணை…!!

வீட்டின் கதவை உடைத்து 24 1/2 பவுன் தங்க  நகையை மர்ம நபர்கள் கொள்ளையடித்து  சென்ற  சம்பவம்  பரபரப்பை ஏற்படுத்தியுள்ளது.

கன்னியாகுமரி மாவட்டத்தில் உள்ள தடிக்காரன்கோணம் பகுதியில் பிரேமலதா என்பவர் வசித்து வருகிறார். இவரது கணவரான ராஜ்குமார் சில வருடங்களுக்கு முன்பு இறந்துவிட்டார். இந்தநிலையில் பிரேமலதா டீக்கடை ஒன்றை நடத்தி வருகிறார். இவர் தினமும் அதிகாலை டீ கடைக்கு சென்று விடுவார். அதே போல் நேற்றும் கடைக்கு சென்றுவிட்டு வீட்டிற்கு வந்து பார்த்த போது பின்பக்க கதவு உடைக்கப்பட்டு இருந்ததை கண்டு பிரேமலதா அதிர்ச்சி அடைந்தார்.

அதன் பின் உள்ளே சென்று பார்த்தபோது கட்டிலில் மறைத்து வைத்திருந்த 24 1/2 பவுன் தங்க நகையை மர்மநபர்கள் கொள்ளையடித்து சென்றது தெரியவந்துள்ளது. இதுகுறித்து பிரேமலதா கீரிப்பாறை காவல் நிலையத்தில் புகார் அளித்துள்ளார். அந்தப் புகாரின் பேரில் வழக்கு பதிவு செய்த காவல்துறையினர் வீட்டில் கொள்ளையடித்து சென்ற மர்ம நபர்கள் குறித்து தீவிர விசாரணை மேற்கொண்டு வருகின்றனர்.

Leave a Reply

Your email address will not be published. Required fields are marked *