பெங்களூருவில் உள்ள ஒரு அடுக்குமாடி குடியிருப்பில் வீட்டின் முன் இருந்த செருப்பை திருடன் திருடி செல்லும் காட்சி இணைய வலைதளங்களில் வைரலாகி வருகிறது. அதாவது செருப்பை திருட வந்த திருடன் ஒருவன் அதனை நன்றாக இருக்கிறதா என்று ஆராய்ந்து நல்ல செருப்புகளை மட்டுமே திருடி சென்றுள்ளான்.
இந்த காட்சி அந்த குடியிருப்பில் உள்ள சிசிடிவி யில் பதிவாகியுள்ள நிலையில் அந்தப் பதிவு கடந்த சில நாட்களுக்கு முன்பு இணையத்தில் வெளியானது. இதனை 10 லட்சத்திற்கும் அதிகமான மக்கள் பார்வையிட்டுள்ளனர். அந்த பதிவில் நெட்டிசன்கள் பலரும் தங்களது கருத்துக்களை பதிவிட்டுள்ளனர்.
அந்த வகையில் பெங்களூரு நகரில் தற்போது திருட்டு சம்பவங்கள் அடிக்கடி நடந்து கொண்டிருக்கின்றன. எனவே காவல்துறையினர் இதற்கு உரிய நடவடிக்கை எடுக்க வேண்டும் என்று அவர்கள் கூறியிருந்தனர். மேலும் இந்த சம்பவம் எந்த இடத்தில் நடந்தது என்பது தெரிய வரவில்லை.
View this post on Instagram
