உணவு டெலிவரி: சென்னையில் தொடங்கியது எலெக்ட்ரிக் ஸ்கூட்டர் திட்டம்…. வெளியான சூப்பர் தகவல்….!!!!

சென்னை நுங்கம்பாக்கம் வணிகவளாகத்தில் நடந்த நிகழ்ச்சியில், எலெக்ட்ரிக் ஸ்கூட்டர் தயாரிப்பில் முன்னணி நிறுவனம் ஆன பிகாஸ், கோ சாப் நிறுவனத்துடன் ஒப்பந்தம் செய்து உணவு டெலிவரி செய்வதற்கு எலெக்ட்ரிக் ஸ்கூட்டரை வழங்கும் திட்டத்தினை நடைமுறைப்படுத்தி இருக்கிறது. அந்த வகையில் காய்கறி, உணவு ஆகியவை டெலிவரி செய்யக்கூடிய தனியார் நிறுவனம் ஊழியர்களுக்கு எலக்ட்ரிக் ஸ்கூட்டர்களை ஊக்குவிக்க முடிவுசெய்யப்பட்டு முதல் கட்டமாக 50 ஸ்கூட்டர்களை வழங்கியிருக்கிறது. விரைவில் தமிழகம் முழுவதும் 3 ஆயிரம் ஸ்கூட்டர்களை வழங்குவதற்கு திட்டமிட்டு உள்ளது.

இதனிடையில் டெலிவரி வழங்கும் ஊழியர்கள் அதிக தொலைவு வாகனம் ஓட்டுவதால், பேட்டரி சார்ஜ் செய்யும் சிக்கலை தவிர்க்க செயலி ஒன்று உருவாக்கப்பட்டு உள்ளது. அவற்றில் பேட்டரி சார்ஜ் முடியும் தருவாயில் பதிவிட்டு தகவல் தெரிவித்தால் கோ சாப் நிறுவனம் உடனே பேட்டரியை வழங்கி அவர்களது பணி பாதிக்காமல் பார்த்துக் கொள்ளும். இதற்கென சென்னையின் பல இடங்களில் கோ சாப் நிறுவனத்தின் கிளைகள் இயங்கி வருகிறது. இந்த செயல்பாடு வாயிலாக சென்னையில் உணவு டெலிவெரிக்காக இயக்கப்படும் வாகனங்களால் ஏற்படும் சுற்றுச்சூழல் மாசுபாடு பெருமளவில் குறைக்கப்படும்.