“உடல் நலக்குறைவால் பாதிக்கப்பட்ட டி.ஆர்”…. முன்கூட்டியே அமெரிக்கா சென்ற சிம்பு….!!!!!

இயக்குனர் டி ராஜேந்தர் உடல்நலக்குறைவால் பாதிக்கப்பட்ட நிலையில் அவரின் மகனும் நடிகருமான சிம்பு முன்கூட்டியே அமெரிக்கா சென்றுள்ளார்.

தமிழ் சினிமா உலகில் பிரபல இயக்குனர்களில் ஒருவரான டி.ராஜேந்தர் இயக்குனராக மட்டுமல்லாமல் நடிகர், தயாரிப்பாளர், எழுத்தாளர், இசையமைப்பாளர், பாடலாசிரியர் என தனக்குள் பன்முகத்தன்மை கொண்டவர். இந்த நிலையில் டி.ராஜேந்தர் உடல்நலக்குறைவு ஏற்பட்டு மருத்துவமனையில் அனுமதிக்கப்பட்ட போது அவருக்கு வயிற்றில் ரத்தக் கசிவு ஏற்பட்டிருப்பது தெரியவந்தது.

இதையடுத்து மருத்துவமனையில் அனுமதிக்கப்பட்ட டி.ராஜேந்தரை நேரில் சென்று முதல்வர் நலம் விசாரித்தார். இதன்பின் டி.ஆரின் மகனும் நடிகருமான சிம்பு தந்தையின் உடல் நலம் குறித்து அறிக்கையை வெளியிட்டார். மேலும் டி.ஆரின் சிகிச்சைக்காக வெளிநாடு செல்ல இருப்பதாக தெரிவித்தார். ஆனால் அவர் அமெரிக்கா செல்லாததால் ரசிகர்கள் ஏன் என கேள்வி எழுப்பி வந்தார்கள். அதற்கு காரணம் விசா கிடைக்காததுதான் என கூறப்பட்ட நிலையில் தற்பொழுது விசா கிடைத்து விட்டதாகவும் நாளை அமெரிக்கா செல்ல உள்ளதாகவும் செய்தி வெளியாகி இருக்கின்றது. எனவே டி.ஆரின் மருத்துவ ஏற்பாடுகளை செய்வதற்காக சிம்பு முன்கூட்டியே அமெரிக்கா சென்றுவிட்டார்.

Leave a Reply

Your email address will not be published. Required fields are marked *