இறுதிக்கட்டத்தில் இருக்கிறோம்…. நிதியை தாராளமாக அள்ளி கொடுங்கள்…. சிஎஸ் அமுதன் டுவிட்…!!!

தமிழகத்தில் கொரோனா பரவல் அதிகரித்து வருகிறது. இதனால் ஞாயிறு ஊரடங்கு, இரவு ஊரடங்கு உள்ளிட்ட ஊரடங்கு நடவடிக்கைகளும், கொரோனா  கட்டுப்பாட்டு நடவடிக்கைகளும் கடமையாக்கப்பட்டு வந்தது. இருப்பினும் நாளுக்கு நாள் இறப்பு வீதங்கள் அதிகரித்துக் கொண்டே வருகிறது. கொரோனாவால் பாதிக்கப்பட்டவர்களின் எண்ணிக்கையும் அதிகரிப்பதால் மருத்துவமனைகளில் கூட இடமில்லாத நிலை ஏற்பட்டுள்ளது. மேலும் ஆக்சிஜன் தட்டுப்பாடு காரணமாக கொரோனா நோயாளிகள் உயிரிழந்து வருகின்றனர்.

தற்போது முழு ஊரடங்கு அமல்படுத்தப்பட்டுள்ளது. இந்நிலையில் கொரோனாவால் பாதிக்கப்பட்டு சிகிச்சை பெற்று வரும் நோயாளிகளுக்கு ஆக்சிஜன் வழங்க பலரும் உதவி வருகின்றனர். அந்தவகையில் கொரோனா தடுப்பு பணிகளுக்காக முதலமைச்சர் நிவாரண நிதிக்கு விருப்பமுள்ளவர்கள் தாராளமாக உதவுமாறு முதல்வர் ஸ்டாலின் வேண்டுகோள் விடுத்திருந்தார். எனவே பலரும் நிதி அளித்து வருகின்றனர்.

நிலையில் தமிழ் படம், தமிழ் படம் 2 என நகைச்சுவை திரைப்படங்கள் இயக்கிய பிரபல இயக்குனர் சிஎஸ் அமுதன் முதலமைச்சர் நிவாரண நிதிக்கு ரூபாய் ஐம்பதாயிரம் வழங்கியுள்ளார். இதையடுத்து தன்னுடைய ட்விட்டர் பக்கத்தில், “நாம் இறுதிக் கட்டத்தில் இருக்கிறோம். அனைவரும் தாராளமாக நன்கொடை வழங்கவும்” என்று கோரிக்கை விடுத்துள்ளார்.

Leave a Reply

Your email address will not be published. Required fields are marked *