“இரை தேடி வந்த காட்டெருமை”…. பாறையில் வழுக்கி விழுந்து உயிரிழப்பு….!!!!!

அரசரடி வனப்பகுதியில் இரை தேடி வந்த பொழுது பாறையில் வழுக்கி விழுந்து காட்டெருமை பரிதாபமாக உயிரிழந்துள்ளது.

தேனி மாவட்டத்திலுள்ள மேகமலை வனச்சரகத்திற்கு உட்பட்ட அரசரடி வனப்பகுதியில் நேற்று வனத்துறையினர் ரோந்து பணி சென்ற பொழுது காட்டெருமை ஒன்று உடல் அழுகிய நிலையில் கிடந்துள்ளது. இதை பார்த்த வனத்துறையினர், மேகமலை வனச்சரகர் அஜய்க்கு தகவல் கொடுத்தனர்.

இதன்பின் கால்நடை மருத்துவர் சம்பவ இடத்திற்கு வரவழைக்கப்பட்டார். பின் மருத்துவக் குழுவினர் காட்டெருமையை உடல் பிரேத பரிசோதனை செய்தார்கள். இதை தொடர்ந்து காட்டெருமை வனப்பகுதியில் புதைக்கப்பட்டது. இரை தேடி வந்த பொழுது காட்டெருமை பாறையில் வழுக்கி விழுந்து காயமடைந்ததில் பரிதாபமாக உயிரிழந்திருக்கலாம் என மருத்துவர் குழுவினர் கூறியுள்ளனர்.

Leave a Reply

Your email address will not be published. Required fields are marked *