ஆபத்தான முறையில் பயணம்… கண்டுகொள்ளாத அதிகாரிகள்… குழந்தைகள் நலக்குழுவினர் கோரிக்கை…!!

மாணவர்கள் பேருந்துகளில் படியில் நின்று பயணம் செய்வதை தடுக்க உரிய நடவடிக்கை எடுக்ககோரி குழந்தைகள் நலக்குழுவினர் கோரிக்கை விடுத்துள்ளனர்.

தேனி மாவட்டத்தில் பல்வேறு பகுதிகளில் பேருந்துகளில் மாணவ-மாணவிகள் மிகவும் ஆபத்தான முறையில் படியில் நின்று பயணம் செய்வது வழக்கமாகி வருகிறது. இந்நிலையில் வேப்பம்பட்டி, காமாட்சிபுரம் மற்றும் அதன் சுற்றுவட்டார பகுதிகளில் இருந்து மாணவர்கள் பள்ளி, கல்லூரி தேனி செல்வதற்கு காலை, மாலையில் போதிய பேருந்து வசதி இல்லாததால் பெரும் அவதிப்பட்டு வருகின்றனர். இதனையடுத்து அரசு அறிவித்த கொரோனா விதிமுறைகளையும் பின்பற்றப்படுவதில்லை.

இதுகுறித்து தேனி குழந்தைகள் நலக்குழுவினர் இதுகுறித்து விசாரணை நடத்தியுள்ளனர். மேலும் இதற்கு உரிய நடவடிக்கை எடுக்க வேண்டும் என மாவட்ட முதன்மை அலுவலர், தேனி அரசு போக்குவரத்து கழக மேலாளர், மாவட்ட கூடுதல் சூப்பிரண்டு அதிகாரி ஆகியோருக்கு நோட்டிஸ் அனுப்பியுள்ளனர். ஆனால் தற்போது வரை அதிகாரிகள் எவ்வித நடவடிக்கையும் எடுக்கவில்லை. இந்நிலையில் மாணவர்கள் படியில் நின்று பயணம் செய்வது மிகவும் அபாயகரமானது என்பதால் மாவட்ட நிர்வாகம் இதற்கு நடவடிக்கை எடுக்க வேண்டும் என கோரிக்கை விடுத்துள்ளனர்.

Leave a Reply

Your email address will not be published. Required fields are marked *